LAJME

Rriten pagat dhe ristrukturohet organizimi i bashkive

Nga data 1 shtator e këtij viti, punonjësit e bashkive të Shqipërisë do të përfitojnë një pagë të re të rritur në llogaritë e tyre. Ministri i Shtetit për Pushtetin Vendor, Arbjan Mazniku, pas mbledhjes së Qeverisë njoftoi se rritja e pagave është pjesë e një reformimi më të gjerë në pushtetin vendor, e cila përfshin edhe ristrukturimin e mënyrës së organizimit të stafit të bashkisë si dhe unifikimin e nivelit të pagave në të gjitha bashkitë, pavarësisht madhësisë së tyre.

Lexo më shumë →

Mbledhja e Këshillit Konsultativ datë 29 Korrik 2024

Në mbledhjen e Këshillit Konsultativ u miratuan vendime shumë të rëndësishme për mbështetjen e pushtetit vendor për rritjen e pagave të punonjësve në mënyrë domethënëse. Me këtë masë do të unifikojmë nivelin e pagave në të gjitha bashkitë e Shqipërisë duke siguruar të njëjtën pagë për të njejtat profesione në të gjitha bashkitë.

Lexo më shumë →

Prezantimi i vendimit të marrë nga qeveria për përfshirjen e bashkive në procesin e legalizimit të banesave

Me kryeministrin, z.Edi Rama dhe me Drejtorin e Përgjithshëm të Kadastrës Shqiptare, znj.Dallendyshe Bici dhe kolegët e pushtetit vendor ku u prezantua vendimi i marrë nga qeveria për përfshirjen e bashkive në procesin e legalizimit të banesave.

Lexo më shumë →

NË FOKUS

Përgatitja e njësive vendore për Integrimin Evropian

Integrim në BE do të thotë që 70% e legjislacionit evropian do të zbatohet në Bashkitë e Shqipërisë.

Lexo më shumë →

Përmbyllja e fazës së tretë të projektit STAR

Faza e tretë e projektit STAR u përmbyll pas 10 viteve të suksesshme në mbështetje të njësive vendore në Shqipëri. Partnerët dhanë një ndihmë të çmuar në përparimin e reformës administrativo-territoriale të vitit 2014 e cila transformoi hartën e vendit nga 373 njësi gati të pamenaxhueshme, në 61 bashki.

Lexo më shumë →

Thirrje të Hapura për Aplikime

Thirrja 1:

Thirrje e hapur për 14 bashki nën programin “BE për Kujdesin Social”

Afati i fundit për aplikim: 15 shtator 2024

Synimi i thirrjes është të mbështesë projekte propozime nga 14 bashkitë e përzgjedhura (Gjirokastër, Vorë, Cërrik, Librazhd, Kavajë, Kurbin, Kukës, Krujë, Pogradec, Korçë, Kamëz, Vlorë, Elbasan, Durrës) dhe organizatat e shoqërisë civile për përmirësimin dhe zgjerimin e shërbimeve të kujdesit social në ato bashki.

Thirrja 2:

CERV - Thirrje e hapur për projekte të përbashkëta “Qytetet e Binjakëzuara” (Town-Twinning)

Afati i fundit për aplikim: 19 shtator 2024 në orën 17:00 (CET)

Synimi i thirrjes është të mbështesë projektet që bashkojnë popullatën nga qytetet e binjakëzuara dhe promovojnë kulturën dhe trashëgiminë e Bashkimit Evropian.

Thirrja 3:

HORIZON – Thirrje e hapur për bashkë-krijimin e “Zgjidhjeve të Zgjuara” (SS) me komunitetet rurale (FUTURAL)

Afati i fundit për aplikim: 30 shtator 2024 në orën 17:00 (CET)

Synimi i thirrjes është të mbështesë bashkëpunimin mes NVM dhe autoriteteve lokale me qëllim krijimin e “Zgjidhjeve të Zgjuara” në komunitetet rurale.

Thirrja 4:

Interreg IPA Adriatiku Jugor – Thirrje e hapur për propozime projektesh standarde

Afati i fundit për aplikim: 19 September 2024

Synimi i thirrjes është të mbështesë bashkëpunimin trepalësh mes Italisë (vetëm Rajonet e Puglias dhe Molizes), Shqipërisë dhe Malit të Zi përmes projekteve standarde që do të bashkëfinancohen nga Bashkimi Evropian nën Instrumentin për Asistencën e Para-Aderimit (IPA III) për periudhën e programit 2021–2027.

Thirrja 5:

Thirrje e hapur për propozime projektesh mbi vlerësimet e rrezikut të klimës për çdo Rajon Evropian (CLIMAAX)

Afati i fundit për aplikim: 15 tetor 2024, ora 17:00

Synimi i thirrjes është të mbështesë bashkitë dhe komunitetet në Evropë për të kuptuar, përgatitur dhe menaxhuar më mirë rreziqet klimatike. Thirrja do të financojë autoritetet/komunitetet rajonale/lokale që të zbatojnë strategjitë e përshtatjes ndaj ndryshimeve klimatike dhe përditësimin e planeve të menaxhimit të rrezikut.

Thirrja 6:

Thirrje për projekt propozime në kuadër të projektit “Bashkimi Evropian për Përfshirjen në Tregun e Punës” (EU4LMI)

Afati i fundit për aplikim: 30 shtator 2024

Bashkitë e synuara janë Prrenjas, Gjirokastër, Vorë, Mallakastër, Cërrik, Librazhd, Shijak, Kavajë, Kurbin, Kukës, Krujë, Pogradec, Korçë, Kamzë, Vlorë, Shkodër, Elbasan, Durrës dhe Tiranë.

Për më shumë informacion mbi thirrjet e hapura mund të vizitoni faqen e AMVV duke klikuar më poshtë